對台灣華語版本翻譯，原作者 s8321414

開放街圖臺灣社群2025年又閣開始佮 Wikidata 臺灣社群合作舉辦街景踏查團，這改4月份是到雲林縣的虎尾鎮佮土庫鎮踏查，踏查團的經費來源是對台灣維基媒體協會來的，兩工（4/26、4/27）的中晝頓由 TomTom 公司贊助。

這改踏查團佇4/26早起對雲林高鐵站外集合，隨就出發前往虎尾鎮佮土庫鎮和六房天上聖母信仰相關的廟宇拍攝照片，雖罔講是街景踏查團，毋過這改360相機問題袂少🫠，囥佇筆者所駕駛的車頂的這台是定定當機（傷熱？），另外一台車頂的是一直無法度予手機連使用。雖綱按呢，這改猶是有上傳 53,854 張街景照到 Mapillary（同時間包含平面相片片佮360環景照片，對筆者撰寫這篇日記的時，猶閣有部份的照片猶末上傳）。

Supaplex 講述 OpenStreetMap

第二工 (4/27) 是這改踏查團的編輯工作坊，佇本年度的六房天上聖母 紅壇舉辦，和本次踏查團相關的開放街圖編輯攏有 #tt_event 主題標籤（可能會當直接寫佇變更集的註記當中，或抑是寫佇變更集的 hashtags 標籤當中），欲看維基媒體計畫的編輯會當佇 [Dashboard] 中來檢視。

關於 OpenStreetMap 臺灣

OpenStreetMap 臺灣是由台灣關心投入 OpenStreetMap 的編輯者所組成，自從 2010 年開始由個孤一个人獨自編輯變成集結閣較濟人參與的共編地圖專案的在地社群。目前佇台灣有仃台北佮 Wikidata 社群共同舉行的 OpenStreetMap x Wikidata 月聚，閣有無定期的踏查活動。

本文用姓名標示-相仝方式分享 4.0 國際授權。