OpenStreetMap

Diary Entries in Belarusian

Recent diary entries

be _ weeklyOSM 341

Posted by iRewer on 14 February 2017 in Belarusian (Беларуская).

24.01.2017 - 30.01.2017

Выява тыдня

  • OSM у 2007 і 2016
    Параўнанне таго, як падрабязна была адлюстраваная мясцовасць на мапе OSM у 2007 годзе і сёння [^1^](#wn341_14168) | © OpenStreetMap CC-BY-SA 2.0

Мапінг

  • У апошнія некалькі дзён была выяўленая (зноўку) падвышаная актыўнасць OSM-пачаткоўцаў, што былі натхнёныя гульнёй Pokémon Go. Аднак, на жаль, да большасці з унесеных імі зменаў дастасуецца тэрмін “вандалізм”. Актыўны ўдзельнік нямецкага Штотыднёвіка Міхаэль Райхерт (Michael Reichert) патлумачыў (de) у блогу нямецкай суполкі OSM, як знайсці праўкі пакемон-мапераў і як далей мець з імі справы. Таксама пра праблему паведаміла (en) амерыканскае анлайн-выданне Mic.com.

  • Карыстальник OSM MikeN ва ўласным блогу даў справаздачу (en) па дзвюх задачах для аматараў чыгунак у межах свайго праекту MapRoulette (аўтаматычна сгенерыраваная мапа памылак/няпэўнасцяў OSM для выпраўлення іх карыстальнікамі). На дадзены момант прыкладна на 35% завершаныя абедзве згаданыя задачы: Скрыжаванні “Шаша-чыгунка” (ЗША) (en) і Тып скрыжаванняў “Шаша-чыгунка” (ЗША) (en), - бо яны добра прапрацаваныя і тэхнічна дасканалыя ў параўнанні з папярэднімі задачамі, такімі як, напрыклад, “Рэкі, што цякуць угару” (en) ці задачы ў Эквадоры, якія да гэтага часу маюць некаторыя тэхнічныя складанасці.

  • Паскаль Нэі (Pascal Neis) анансаваў (en) новыя функцыі па групаванні падазроных чэйнджсэтаў па аўтару і далейшым падсумаванні іх статыстык праз ягоны сэрвіс “Пошук падазроных пакетаў правак OpenStreetMap” (Find Suspicious OpenStreetMap Changesets).

  • Праект Мапы Bing (Bing Maps) паведаміў ва ўласным блогу пра поўнае абнаўленне спадарожнікавых здымкаў (en) для тэрыторыі Бразіліі цалкам - гэта 8,5 мільёнаў квадратных кіламетраў, што фарміруюць агульную плошчу краіны, уключаючы зямлю, унутраныя і тэрытарыяльныя воды.

  • Нямецкая суполка OSM у адпаведным форуме абмяркоўвае (de) (аўтаматычны пераклад (en)), ці патрэбна пазначаць тыя шляхі, што не маюць раздзяляльнай рысы, аднак маюць нанесены стрэлкамі кірунак руху, як дарогі з тэгам lanes=1.5.

  • Мартэйн ван Эксель (Martijn van Exel) спытаўся (en) у адмысловым форуме ліставанняў [OSM-talk] пра меркаванні карыстальнікаў адносна ягонага плагіна OpenStreetCam (прывязаныя да мапы запісы з аўтамабільных рэгістратараў) для картаграфічнай прылады JOSM. Вітаюцца любыя прапановы ці нейкая іншая дапамога (аж да сумеснай распрацоўкі ўключна).

  • Даволі цікавы запіс у OSM-дзённіку карыстальніка nammala распавядае нам пра некаторыя распаўсюджаныя памылкі і невытлумачальныя змены (en), што былі зробленыя ў OpenStreetMap цягам апошняга месяца.

Супольнасць

  • Галава кампаніі Stamen Design, што спецыялізуецца на візуалізацыіі картаграфічных дадзеных, Эрык Родэнбэк (Eric Rodenbeck) падвёў рысу пад вынікамі мінулага году (en) і крыху ўзгадаў усе завершаныя за гэты час праекты.

  • Пасля таго, як прадстаўнік Мапаў Bing (Bing Maps) паведаміў пра абнаўленне спадарожнікавых здымкаў (глядзі Штотыднёвік #340), актыўны карыстальнік OSM з Турцыі katpatuka нагадаў (en) ва ўласным твітэры, што не менш важна запоўніць прабелы (месцы, для якіх увогуле няма спадарожнікавых здымкаў Bing) - напрыклад, у Турцыі.

  • Натхнёны сэрвісам прывітання новых карыстальнікаў OSM (вядомым як “Belgium Welcome Tool”), што быў створаны бельгійскай суполкай у асобе ўдзельніка M!dgard, карыстальнік з Італіі sabas88 напісаў з нуля (it) аналагічны італьянскі сэрвіс (it). Ягоны код даступны на GitHub. Што тычыцца падтрымкі розных моў, sabas88 паведаміў камандзе Штотыднёвіка: “На дадзены момант функцыя выбару мовы даступная толькі для ‘сніпетаў’ - фрагментаў тэксту, што з’яўляюцца шаблонамі паведамлення ці ягонай часткі, якую вы можаце шматразова і ў адзін клік скарыстаць для дасылкі паведамлення. Інтэрнацыяналізацыя ўсяго праграмнага забеспячэння цалкам займае месца ў маіх планах, аднак гэта тая рэч, якую мне яшчэ патрэбна рабіць і рабіць”.

  • 25 студзеня 2017 года ўпершыню ў гісторыі OpenStreetMap за адзін дзень было зафіксавана больш за 6000 актыўных мапераў у праекце, пра што і паведаміў (en) у сваім твітэры Паскаль Нэі (Pascal Neis) - аўтар сэрвісу hdyc (“Ваш унёсак у OSM”).

OpenStreetMap Foundation

  • Чалец “савета дырэктароў” OpenStreetMap Foundation з Расіі Ілля Звераў апублікаваў (en) дэталі, лічбы і прыгожыя графікі датычна апошніх выбараў у кіраўніцва OpenStreetMap Foundation (ад перакладчыка: дарэчы, у гэтым годзе сярод 4 іншых кандыдатаў балатаваўся і чалец OSMF з Беларусі Дарафей Праляскоўскі).

Гуманітарны OSM

  • На пачатку студзеня 60 танзанійскіх школьнікаў сустрэліся (en) ў горадзе Багамоя (en) (Танзанія), каб даведацца, як наносіць на мапу OSM аб’екты мясцовасці.

  • Рэбека Фёрт (Rebecca Firth), адзін з мэнеджэраў (en) па каардынацыі ў праекце HOT (Humanitarian OSM Team), узяла ўдзел (en) у Форуме ААН па сусветных дадзеных (en) (UN World Data Forum), што адбыўся ў Паўднёвай Афрыцы. Апынулася, што дасягненне пастаўленых ААН мэтаў устойлівага развіцця (UN Sustainable Development Goals, SDGs) можа адбывацца, у тым ліку, і пры падтрымцы супольнасці HOT, прыкладам чаго можна прывесці праект па барацьбе з малярыяй (en). Удзельнікі канферэнцыі ААН былі моцна ўражаныя зробленай працай і яе вынікамі, дасягнутымі з дампамогай мапаў OSM.

  • Супольная ініцыятыва па гуманітарным картаграфаванні Missing Maps падзякавала (en) сваім 20 тысячам добраахвотнікаў за іхнія намаганні. Каманда Штотыднёвіка таксама скарыстаецца магчымасцю і павіншуе праект з такім поспехам.

  • Сэрвіс Tasking Manager, што дазваляе зарганізаваць сумесную працу валанцёраў у межах праекту HOT (Humanitarian OSM Team), на дадзены момант працуе даволі марудна, бо на тым жа самым серверы размешчаны яшчэ некалькі службаў, адна з якіх рэгулярна спажывае (en) зашмат рэсурсаў.

Мапы

  • Адмысловы анлайн-сэрвіс (en) “Мапа грамадзянскай вайны ў Сірыі” (Syrian Civil War Map) выкарыстоўвае ў якасці задняга фону тайлы OSM з нямецкага дублюючага сайта openstreetmap.de - і тым самым выклікае (en) перагрузку германскага сэрвера, што падтрымліваецца Свэнам Гегусам (Sven Geggus). Цалкам не выключана, што перавага была аддадзена стваральнікамі сэрвісу менавіта нямецкаму стылю мапы таму, што для подпісу арабскіх краін і гарадоў там адначасова выкарыстоўваюцца і лацінскія, і арабскія літары.

  • Кампанія (і ў той жа час адкрытая картаграфічная платформа) Mapzen паведаміла (en) ва ўласным блогу пра значныя змены да лепшага ў графічным аздабленні, якое зараз прапануюць іхнія стылі мапаў на базе OSM, а таксама пра тое, што для працы з SDK і стылямі ад Mapzen з лютага прапануецца апцыянальнае (а з сакавіка - абавязковае!) выкарыстанне адвольных (custom) ключоў API.

  • Адмысловы анлайн-сэрвіс з падзеленай надвое мапай (en), што быў створаны (en) актыўным удзельнікам OSM з Галандыі Мартэйнам ван Экселем (Martijn van Exel), паказвае параўнанне таго, наколькі падрабязна была адлюстраваная мясцовасць на мапе OSM у 2007 годзе і сёння.

  • Анлайн-сэрвіс пошуку маршрутаў па дадзеных OSM, вядомы як OpenRouteService, распавёў (en) пра тое, што там з’явіліся такія функцыіі маршрутызацыі для ровараў, як “Лічбавы паспарт роварнага маршруту” (падрабязны профіль канкрэтнага шляху) і “Узроўні фізічнай спрактыкаванасці раварыста” (мажлівасць абраць пажаданы ўзровень складанасці роварнага маршруту).

  • Джошуа Камю (Joshua Comeau) стварыў (en) цудоўную мапу, якая візуалізуе дзейнасць карыстальнікаў сэрвісу Unsplash - супольнасці фатографаў і звычайных людзей, якія бясплатна размяшчаюць ці выкарыстоўваюць фотаздымкі з высокім вырашэннем пад вольнай ліцэнзіяй СС0 (en). У адмысловым артыкуле Medium Джошуа падрабязна растлумачыў (en), як і навошта ён зрабіў гэтую мапу.

  • OSM-карыстальнік aromatiker у чарговы раз ці то спытаўся (de), ці то прапанаваў, як лепей пазначаць на мапе бровары, дзе выганяюць віскі. На ягоную думку, адмыслова створаны ім сайт-мапа Whiskymap (en) яшчэ далёкі ад завершанасці з прычыны недахопу дадзеных.

switch2OSM

  • Праграміст і ўдзельнік OSM Фларыян Лайнэз (Florian Lainez) звярнуў увагу (fr) на тое , што пошукавая сістэма DuckDuckGo дазваляе апцыянальна абраць OpenStreetMap у якасці крыніцы дадзеных для пабудавання маршрутаў (ад перакладчыка: туды вас і перанакіруе для пабудавання канкрэтнага маршрута).

  • Кампанія SNCF (en) (французская “Нацыянальная чыгунка”), выкарыстоўвае мапы OSM ва ўласных звышхуткіх цягніках TGV (be) (па інфармацыі (fr) твітэр-карыстальніка 0x010C).

  • З нядаўняга часу картаграфічная кампанія Mapzen пастаўляе (en) прасторавыя дадзеныя і прылады для ўсіх апаратаў на базе аперацыйнай сістэмы Tizen (en).

  • Паліцыя Чылі пачала выкарыстоўваць (es) мапы OpenStreetMap, каб адлюстроўваць у прасторы крымінагенныя абставіны і злачыннасць (па інфармацыі (es) чылійскай суполкі OpenStreetMap).

  • Вытворцы гульні Pokémon Go нарэшце афіцыйна пазначылі (en), што для тэрыторыі Паўднёвай Карэі яны сапраўды выкарыстоўваюць OSM у якасці крыніцы прасторавых дадзеных.

Праграмнае забеспячэнне

  • Гейдэльбергскі універсітэт (Universität Heidelberg, Германія) эксперыментаваў (en) з машыннымі метадамі “глыбокага навучання” для мэтаў аўтаматычнага выяўлення населеных тэрыторый у сельскай мясцовасці.

Праграмаванне

  • Картаграфічная кампанія Mapbox распавяла (en) пра свой “сакрэтны” праект Project Atlas, які ператварае чарцяжы ў мапы - глытаючы тысячы малюнкаў і нарадаў на працы па кожным будаўнічым праекце, ён ператварае іх з BIM- (building information modeling, інфармацыйнае мадэляване будоўлі) ці CAD- (computer-aided design, аўтаматызаванае праектаванне) фарматаў у вектарныя тайлы ўзору Mapbox. Гэта дазваляе выкарыстоўваць згаданыя чарцяжы ў інтэрактыўных вэб-інтэрфейсах з дапамогай Mapbox GL JS (JavaScript-бібліятэка з выкарыстаннем WebGL для адлюстравання інтэрактыўных мапаў).

  • Карыстальнік PanierAvide абмаляваў (en) ва ўласным OSM-блогу канкрэтны выпадак выкарыстання бібліятэкі Pic4Carto.js, якая дазволіла яму наўпрост у вэб-браузэры адначасова змясціць на мапе OSM выявы прасторава прывязаных фотоздымкаў адразу з некалькіх розных крыніц (Flickr, OpenStreetCam, Mapillary).

  • Картаграфічная кампанія Mapbox раскрыла (en) з адкрытым зыходным кодам уласную прыладу MapboxNavigation.swift , якая прапануе распрацоўшчыкам асобны SDK (а таксама стылі, геакодынг і шмат чаго яшчэ) для стварэння прыладаў з маршрутызацыяй для сістэмы iOS.

Рэлізы

  • Праграма Версія Дата рэліза Каментар

|———————————————————————————–|:—————————————————————————————–:|:————-:|—————————————————————————————————————|

Traccar Client iOS 4.0 16.01.2017 Выпраўленае счытванне ўзроўню зараду батарэі.
Osmose Backend v10.0-2017-01-24 24.01.2017 - няма інфармацыі -
Mapbox GL JS v0.32.1 26.01.2017 1 выпраўленне.
Mapillary iOS * 4.6.2 26.01.2017 Клік па імёнах карыстальнікаў і гіперспасылкі.
Naviki Android * 3.53.1 26.01.2017 Выпраўленая недарэчнасць з Bluetooth.
Mapillary Android * 3.24 27.01.2017 Меней інфармацыі пра карыстальніка ў EXIF, нязначныя выпраўленні, дадазенае паведамленне пра спыненне працы.
OpenJUMP 1.10 27.01.2017 Значная колькасць паляпшэнняў (глядзі інфармацыю рэліза)
OpenStreetmap Carto Style 3.1.0 29.01.2017 - няма інфармацыі -
Maps.me Android * var 30.01.2017 Палепшаныя пошук і пошукавыя фільтры.
Maps.me iOS * 7.1.1 30.01.2017 Палепшаныя пошук і пошукавыя фільтры.
Дадзеныя раздзела ўзятыя са Спіса праграмнага забеспячэння для OSM (en de)

* прапрыетарнае праграмнае забеспячэнне (глядзі: вольнае праграмнае забеспячэнне (en)

Ці ведаеце вы …

  • … што Гейдэльбергскі універсітэт (Universität Heidelberg) мае спецыяльны Інстытут геаінфармацыйных тэхналогій (Heidelberg Institute for Geoinformation Technology, HeiGIT), навуковыя праекты якога звязаныя, у тым ліку, з картаграфаваннем і кіраваннем у выпадках бедстваў (en)? Гэты інстытут падтрымлівае гуманітарныя актыўнасці па супрацьдзеянню стыхійным бедствам з дапамогай інавацыйных тэхналогій і сэрвісаў, заснаваных на OpenStreetMap.

  • … пра сэрвіс OSMstats (en) Паскаля Нэі (Pascal Neis)? Гэты сайт змяшчае шмат цікавай статыстыкі, звязанай з праектам OpenStreetMap увогуле.

  • … пра гэтае настаўленне (en) па адлюстраванні забароны паваротаў на мапе OSM?

Запланаваныя падзеі

Заўвага: Калі вы жадаеце пабачыць сваю падзею ў гэтым спісе, то, будзьце ласкавыя, дадайце яе ў спецыяльны каляндар (толькі дадзеныя адтуль з’явяцца ў weeklyOSM). Калі ласка, спраўдзіце правільнасць адлюстравання вашага мерапрыемства ў нашым спецыяльным календары для папярэдняга прагляду і выпраўце яго, калі што не так.

Аўтарамі дадзенага weeklyOSM #341 былі Nakaner, Peda, Rogehm, Spec80, YoViajo, derFred, jinalfoflia, kreuzschnabel.

be _ weeklyOSM 340

Posted by iRewer on 2 February 2017 in Belarusian (Беларуская). Last updated on 4 February 2017.

17.01.2017 - 23.01.2017

Выява тыдня

  • Мапа развіцця дарожнай сеткі Бруселя
Эвалюцыя дарожнай сеткі Бруселя з 2006 па 2016 гг. [^1^](#340_14074) © Joost Schouppe & OpenStreetMap contributors CC-BY-SA 2.0

Мапінг

  • Супрацоўнік кампаніі Mapbox Чытхан Гауда (Chethan Gowda) нагадаў (en) у карпаратыўным блогу пра неверагодны плагін для JOSM, які дадае ў прыладу стыль мапы, заснаваны на Osmic (en), што дазваляе пры рэдагаванні OpenStreetMap адлюстраваць на мапе (не змяняючы пры гэтым асноўнага стылю JOSM) іконкі ўсіх аб’ектаў інфраструктуры (POI).

  • На OSM-форуме даўно ўжо цікавяцца (en), ці існуюць нейкія альтэрнатыўныя спадарожнікавыя выявы для Малайзіі, бо на Bing няма здымкаў для большасці тэрыторыі.

  • OSM-карыстальнік wille (Віле Марсэль, Wille Marcel) з гораду Бразіліа зрабіў дасяжнымі (pt) GPS-трэкі, сабраныя бразільскім Міністэрствам аховы навакольнага асяроддзя. Для таго, каб выкарыстоўваць гэтыя дадзеныя ў ImproveOSM, ягоны стваральнік Мартэйн ван Эксель (Martijn van Exel) адладзіў (en) свой алгарытм, каб распазнаць адсутныя шляхі. Зараз ImproveOSM (en) утрымлівае безліч кропак для пазначэння грунтовых дарог у Бразіліі, ён працуе з OSM-рэдактарам iD, а таксама існуе плагін для JOSM (en) з аналагічным функцыяналам.

  • Старшы кіраўнік праграм Bing Maps Рыкі Брандрыт (Ricky Brundritt) напісаў (en) у сваім твітэры, што Мапы Bing зараз абнаўляюць свае спадарожнікавыя здымкі і, у адпаведнасці з твітам, гэты працэс павінен быць завершаны цягам некалькіх месяцаў.

  • У форуме ліставанняў брытанскай OSM-суполкі talk-GB яе ўдзельнік Эндрю Хэйн (Andrew Hain) распавёў (en) пра тое, як адзін з мапераў дадаў імёны да кожнага палігона тыпу landuse=residential і landuse=commercial на паўднёвым захадзе Лондана (Вялікабрытанія). Паколькі гэты карыстальнік так і не адказаў на запыт Хэйна, размешчаны ў каментарыях да чэйнджсэта, гэта азначала, што такія імёны павінныя былі быць размешчаныя ў апісанні да палігонаў кварталаў, а не ў якасці ўласных імёнаў.

  • Актыўны ўдзельнік бельгійскай OSM-суполкі Юст Шупэ (Joost Schouppe) спытаўся (en) ў спецыяльным форуме ліставанняў OSM, якім чынам удзельнікі сусветнай супольнасці маглі б скараціць спіс для галасавання па будучай схеме (en), што можа быць прапанаваная для пазначэння пляцовак для дэфекацыі сабак (ці іншых хатніх жывёл, што малаверагодна). На дадзены момант прапанаваныя ўжо 4 варыянты, агульная колькасць выпадкаў іх выкарыстання не перавышае 100 адзінак, а лідыруюць тэгі amenity=potty_area і amenity=dog_toilet.

  • У спецыяльным форуме ліставанняў OSM [Tagging], прысвечаным абмеркаванню тэгаў, карыстальнік Warin распачаў дыскусію (en) па тэгах OSM, якія б утрымлівалі інфармацыю пра шматразовыя пластыкавыя абанементы на грамадскі транспарт, што паступова выціскаюць аднаразовыя квіткі. Такім чынам, гутарка ідзе пра тэгі vending=public_transport_tickets і альтэрнатыўны vending=public_transport_cards.

  • У вышэйзгаданым форуме ліставанняў [Tagging] Мартэйн ван Эксель (Martijn van Exel) спытаўся (en) пра тэгі destination:street, якія былі заўважаныя мапінгавай камандай камерцыйнай кампаніі TeleNav пераважна на прыўзнятых з’ездах з дарог motorway_link у Канадзе. Атрымліваецца, што гэта нідзе не задакументаваны суб-тэг для тэга кірунку. Таму ван Эксель пытаецца: якім чынам ён выкарыстоўваецца і ці існуе нейкі кансэнсус, што быў бы занатаваны дзесьці яшчэ, акрамя адпаведнага артыкула (en) wiki-даведкі OSM.

  • Юст Шупэ (Joost Schouppe), актыўны ўдзельнік бельгійскай OSM-суполкі, узняў (en) у спецыяльным форуме ліставанняў OSM пытанне пра тэг shop=fuel, які ўжо згадваўся раней у дыскусіях (а таксама там ішла гаворка пра неадназначнасць тэрміна “gas”). Пытанне тычыцца крамаў, што прадаюць паліва, але не з’яўляюцца паліўнымі станцыямі (АЗС). Юст прапануе вылучаць такія аб’екты асобна.

  • Кампанія Mapbox цалкам абнавіла (en) сваё базавае пакрыццё для Вашынгтона (федэральная акруга Калумбія, ЗША) аэрафотаздымкамі 2015 года з распазнаваннем 3 цалі (7,5 см) на піксель. Новыя выявы выдатна падыходзяць для якаснага мапінга (en) (“make mapping great again”, “зробім мапінг зноўку велічным”) ці падліку людзей, калі раптам спатрэбяцца альтэрнатыўныя факты.

Супольнасць

  • Карыстальнік OSM з Бельгіі escada ўзяў інтэрв’ю (en) ў Стыва Ола (Steve All) з Каліфорніі (ЗША) для сваёй серыі артыкулаў “Выбітны мапер месяца” (Mapper of the Month). З 2017 года бельгійская суполка OSM зноўку адмовілася ад падзелу тытулу на два асобныя (Belgian Mapper of the Month і Mapper in the Spotlight, для лепшых осмераў з Бельгіі і па-за межамі Бельгіі, адпаведна). Дарэчы, гэта таксама першае інтэрв’ю, апублікаванае на адмысловым новым сайце бельгійскай OSM-суполкі osm.be (en, fr, nl).

  • Згодна з думкай (en) Паскаля Нэі (Pascal Neis, аўтар сэрвісу hdyc - “Ваш унёсак у OSM”), у той час, як колькасць новых удзельнікаў OSM павялічваецца ва ўсім свеце, у Германіі яна скарачаецца.

  • Ці дастаткова (en) 25 тысячаў актыўных мапераў для Германіі? Рэдактар Штотыднёвіка кажа, што гэтага павінна хапіць для картаграфавання шчыльна заселеных урбанізаваных раёнаў, аднак ў сельскіх мясцінах яшчэ хапае працы.

Імпартаванне

  • У спецыяльным форуме ліставанняў OSM для абмеркавання імпарту дадзеных [Import] удзельнік Міхаэль Шпрэнг (Michael Spreng) зноўку спытаўся (en) пра думкі супольнасці наконт імпарта адрасоў у кантоне Бэрн (так званы “спіс GEBADR”). Паколькі па гэтай тэме не было атрымана ніякай зваротнай сувязі, алгарытм імпарту быў крыху ўдасканалены - і хутка будзе распачаты масавы імпарт, які, меркавана, зойме некаторы час. Пры гэтым будзе палепшаная не толькі адрасная інфармацыя, але і абрысы будынкаў - у тых выпадках, дзе гэта будзе магчыма.

Гуманітарны OSM

  • Паскаль Нэі (Pascal Neis) даў параду (en) ў адказ на твіт (en) Расэла Дэфнера (Russell Deffner) пра тое, якія праблемы валідацыі ўнесеных дадзеных існуюць у Missing Maps (супольная ініцыятыва па гуманітарным картаграфаванні). Гэты працэс, на ягоную думку, утварае “зашмат” зменаў у базе OSM.

  • Дабрачынная лагістычная арганізацыя Logistics Cluster, якая працуе пры Сусветнай харчовай праграме ААН (WPF), паведаміла (en), што кожную пятніцу яна публікуе на сваім сайце (en) актуальную мапу абмежаванняў доступу на шляхах Паўднёвага Судану. Гэтая інфармацыя павінна быць асабліва цікавая для тых, хто плануе гуманітарныя пастаўкі ў дадзеным рэгіёне.

Мапы

  • Пол Норман (Paul Norman) прапанаваў (en) простае ўдасканаленне коду для CartoCSS, якое паменьшыла б памер стыля для галоўнай мапы на траціну.

  • Супрацоўніца кампаніі Mapbox Молі Лойд (en) (Molly Lloyd) скааперавалася з некаторымі з арганізатарак Марша жанчын (en) (Women’s March), каб стварыць мапу (en), на якой кожны можа знайсці ўсе падзеі Марша жанчын у розных гарадах і краінах свету.

  • Грамадская феміністычная ініцыятыва Вось табе твае тэхналогіі! (en) (Take Back The Tech!) выкарыстоўвае сучасныя тэхналогіі, каб спыніць гвалт у адносінах да жанчын, і патурае актывізму супраць гендэрных пагрозаў. Выкарыстоўваючы мапу на аснове OSM (en), людзі па ўсім свеце могуць паведамляць пра выпадкі гвалту ў адносінах да жанчын.

  • Не ўсе праблемы (en), з якімі сутыкаюцца людзі, ствараючы розныя іконкі для стыляў мапы, “аднолькава карысныя” ™ :).

  • У спецыяльным форуме ліставанняў OSM для распрацоўшчыкаў [OSM-Dev] ягоны ўдзельнік Стэфан Бош-Плепяліц (Stephan Bösch-Plepelits) распавёў (en) пра створаны ім сэрвіс PTMap (??) (ад перакладчыка: на дадзены момант сайт не працуе), што паказвае на мапе маршруты грамадскага транспарту, выкарыстоўваючы для гэтага наўпроставыя запыты да Overpass API. Пры гэтым маршруты і суадносіны (relations) адлюстроўваюцца ў адпаведнасці з “новай” схемай PTv2.

  • Юст Шупэ (Joost Schouppe), актыўны ўдзельнік бельгійскай OSM-суполкі, паказаў (en) у сваім OSM-дзённіку пры дапамозе аніміраванага GIF-малюнка, як цягам апошніх 10 гадоў (2006-2016 гг.) эвалюцыяніравала і пашыралася адлюстраванне дарожнай сеткі Бруселя на мапе OSM (з выкарыстаннем тэга highway=*).

switch2OSM

  • Балівійскі дзяржаўны партал геададзеных GeoBolivia мігрыраваў (es) з geOrchestra (en) (адкрытая SDI, вольная для выкарыстання інфраструктура захоўвання прасторавых дадзеных) версіі 14.06 на версію 15.12.

Адкрытыя дадзеныя

  • Інтэрнацыянальны Хакатон па адкрытых дадзеных (Open Data Day) адбудзецца (en) 4 сакавіка 2017 года. Аднак мапа з запланаванымі падзеямі хакатону была сапсаваная на момант падрыхтоўкі Штотыднёвіка.

  • Дадзеныя пра надвор’е, якія збірае Нямецкая метэаралагічная служба (Deutscher Wetterdienst, DWD), павінныя стаць вольна даступнымі - пра гэта паведамляецца ў артыкуле (de), што апублікаваны на сайце Spiegel Online (аўтаматычны пераклад (be).

Ліцэнзіі

  • З прычыны пытанняў наконт аўтарскіх правоў, узнятых кампаніяй Mapbox, падтрымка праекту OSM2VectorTiles (en) была спыненая. Ягоныя аўтары стварылі праект-пераемнік OpenMapTiles (en) са сваімі ўласнымі вектарнымі тайламі, якія пазбаўленыя пытанняў у дачыненні да аўтарскіх правоў.

Праграмы

  • Лукас Марцінэлі (Lukas Martinelli) выпусціў стабільную версію 1.0.2 свайго рэдактара Maputnik (en), які з’яўляецца адкрытым праграмным забеспячэннем для стварэння стыляў мапы (OSS Map Designer, open-source software map designer).

Праграмаванне

  • Прапановы для звязаных з OSM праектаў, што могуць быць рэалізаваныя на будучых Канікулах кодзінга ад Google (en) (Google Summer of Code 2017), збіраюцца на спецыяльнай старонцы (en) ў вікі-даведцы OSM.

  • Кампанія Geofabrik паведаміла ва ўласным блогу (en) пра тое, як яна палепшыла захаванне цэласнасці аб’ектаў, што ўлучаныя ў іхнія вытрымкі дадзеных OSM (якія абмежаваныя абрысамі краін ці іх адміністрацыйных частак). Нягледзячы на нязначнае павелічэнне памеру файла, у той жа час скараціўся перыяд апрацоўкі - і гэта стала магчымым пасля пераходу Geofabrik на апошнюю версію прылады для каманднага радку osmium.

Рэлізы

  • Кампанія MapBox выпусціла версію 3.4.0 уласнага iOS SDK, што прынёс змены, звязаныя з паляпшэннем пакавання і дакументацыі, з большым кантролем над стылямі і дадзенымі, ды шмат чаго яшчэ. Таксама яны выпусцілі версію 0.3.0 уласнага MacOS SDK, які дапасоўваецца да MapBox iOS SDK версіі 3.4.0.

  • Праграма Версія Дата рэліза Каментар

|—————————————————————|:—————————————————————————–:|:————-:|——————————————————————————————————————-|

Mapillary Android * 3.21 15.01.2017 Выпраўленне нязначных памылак.
Naviki Android * 3.53 15.01.2017 Паказваецца кірунак руху, зробленыя некалькі выпраўленняў.
Mapillary iOS * 4.6.1 18.01.2017 Дадазеныя апцыянальныя push-паведамленні, абноўлены да Mapillary-JS 3.0, выпраўленая памылка прагляду (верагодна).
osmium 1.5.1 19.01.2017 2 змяненні і 3 выпраўленні.
OSRM 5.5.4 19.01.2017 5 выпраўленняў.
LeafletJS 1.0.3 23.01.2017 12 выпраўленняў, 2 змяненні ў API, 2 паляпшэнні.

Дадзеныя раздзела ўзятыя са Спіса праграмнага забеспячэння для OSM(en|de). Выбачайце, часова недаступны :(

* прапрыетарнае праграмнае забеспячэнне (глядзі: вольнае праграмнае забеспячэнне(en).

OSM у медыяпрасторы

  • Сэрвіс Mapanica (es), што падтрымліваецца OSM-суполкай Нікарагуа, прапанаваў новы праект (es), які можа дапамагчы палепшыць інфармацыю пра перыядычнасць руху грамадскага транспарту. Канчатковай мэтай такога праекта павінна зрабіцца стварэнне сістэмы, якая дазволіць людзям лепей планаваць свае падарожжы па горадзе Манагуа.

  • Нямецкі тэлеканал RTL II у сваёй праграме “Аўтачасопіс GRIP” 22 студзеня 2017 года выкарыстаў (de) выбітны акварэльны стыль мапы OpenStreetMap (вядомы як #watercolor) ад амерыканскай суполкі Stamen падчас адлюстравання шляху здымачнай каманды ў Румыніі. Гэта было заўважана (en)) OSM-карыстальнікам Паскалем Нэі (Pascal Neis, аўтар сэрвісу hdyc - “Ваш унёсак у OSM”), аднак у самой тэлепраграме не было зроблена аніякай спасылкі ці згадкі на крыніцу.

Іншыя “геа”-рэчы

  • Вось як звычайна выглядаюць будынкі (de)), калі энтузіясты OSM адбудоўваюць уласны дом (спойлер ад перакладчыка: яны змяшчаюць плакат OSM на будаўнічым рыштаванні).

  • Анлайн-версія галіновага часопіса Geospatial World напісала (en) пра тэхналогію AComp (en)) ад кампаніі DigitalGlobe (займаецца спадарожнікавымі здымкамі): “… Калі спадарожнік прымае выяву, святло адбіваецца ад грунту і ўваходзіць ва ўзаемадзеянне з атмасферай [вадзяной парай, смугой, механічнымі часцінкамі], што можа паўплываць на візуальную эстэтыку здымка - і вось тут пачынае працаваць “Атмасферная Кампенсацыя” (Atmospheric Compensation, AComp) ад DigitalGlobe”. Таксама выданне назвала тэхналогію AComp рэччу, што кардынальна змяняе гульню ў геаграфічнай індустрыі і дыстанцыйным зандзіраванні.

  • Карлас Феліпэ Касцілья (Carlos Felipe Castillo) паведаміў: “Прыбыла новая закрытая бэта Blueshift (en)!”. Гэта цікавая і дастаткова простая прылада для стварэння дынамічных мапаў, найбольш прыдатных для выкарыстання ў якасці захапляльнай, яскравай інфаграфікі.

  • Анлайн-выданне з Іспаніі Yorokobu зрабіла вялікі артыкул (es) пра досыць прывабныя карты ад амерыканскай дызайн-студыі Axis Maps (en), што спецыялізуецца на мапах і ГІС-вырашэннях.

  • Спадарожнікі сеткі Galileo, што належыць Еўрапейскаму касмічнаму агенцтву, былі часткова сапсаваныя (en) ў выніку таямнічага пашкоджання адразу некалькіх атамных гадзіннікаў на розных спадарожніках.

  • Выканаўчы дырэктар картаграфічнай кампаніі Mapbox Эрык Гундэрсэн (Eric Gundersen) прадэманстраваў (en) у сваім твітэры спадарожнікавы здымак, які адлюстроўвае інаугурацыю амерыканскага прэзідэнта Барака Абамы ў 2009 годзе і быў зроблены спадарожнікам кампаніі GeoEye (зараз належыць кампаніі DigitalGlobe).

  • Індыйская суполка Open Stats (en), што аб’ядноўвае шэраг тэхнічных спецыялістаў, якія прапагандуюць адкрытыя дадзеныя і рэалізуюць звязаныя з імі вырашэнні, адзначыла (en) ў сваім твітэры, што кагадзе анансаваны сэрвіс OpenData Platform (en), які належыць кампаніі Uber, на самой справе не можа быць аднесены да сапраўдных адкрытых дадзеных. Індыйцы лічаць, што хутчэй гэта #openwashing (“тое што называецца адкрытым, але дармавым не з’яўляецца”).

Запланаваныя падзеі

Заўвага: Калі вы жадаеце пабачыць сваю падзею ў гэтым спісе, то, будзьце ласкавыя, дадайце яе ў спецыяльны каляндар (толькі дадзеныя адтуль з’явяцца ў weeklyOSM). Калі ласка, спраўдзіце правільнасць адлюстравання вашага мерапрыемства ў нашым спецыяльным календары для папярэдняга прагляду і выпраўце яго, калі што не так.

Аўтарамі дадзенага weeklyOSM #340 былі Hakuch, Peda, Polyglot, Rogehm, SeleneYang, Spec80, YoViajo, derFred, jinalfoflia, keithonearth, vsandre, wambacher, widedangel.

be _ weeklyOSM 339

Posted by iRewer on 21 January 2017 in Belarusian (Беларуская). Last updated on 29 January 2017.

10.01.2017 - 16.01.2017

Выява тыдня

Мапа з новымі шляхамі
Дадзеныя дарожнай сеткі, сабраныя з дапамогай добраахвотнікаў Чырвонага Крыжа ў Заходняй Афрыцы [^ 1 ^](#wn339_14032) | © OpenStreetMap CC-BY-SA 2.0

Мапінг

  • Карыстальніца kartitotp у допісе ўласнага дзённіка на OSM паказала (en), як OSM-супольнасць у горадзе Аякуча (Перу) разам з камандай MapBox зрабілі вялізны крок да ператварэння гэтага 150-тысячнага горада ў перуанскіх Андах у самы добра замаплены горад Лацінскай Амерыкі. На дадзены момант у OSM унесена 20 аўтобусных маршрутаў гэтага горада з 22 усіх маршрутаў грамадскага транспарту.

  • Удзельнік Марцін Капенхофер (Martin Koppenhöfer) у чарговы раз уздымае (en) пытанне, чаму дагэтуль помнікі наносяцца на мапу як memorial:type=* і memorial=* уперамешку, без адрознення і падзелу на два прапанаваныя падтыпы (subkeys).

Супольнасць

  • Форк (адгалінаванне праграммнага забеспячэння) MapOSMatic ад Хартмута Хольцгрэфа (Hartmut Holzgraef) за апошні час зведаў значную колькасць новаўвядзенняў і дапаўненняў - і зараз ён можа выкарыстоўвацца ва ўсім свеце з мноствам разнастайных стыляў і дадатковых слаёў. Хартмут зазначыў у сваім блогу такія змены, як:

  • Слухачы муніцыпальнай школы Партмарнок (en) (Дублін, Ірландыя) атрымалі ўзнагароду на выставе “BT Young Scientist & Technology Exhibition” (en) за свой праект з выкарыстаннем прасторовых дадзеных - “Пазнач розніцу на мапе” (en).

  • Сайман Пул (Simon Poole) апублікаваў (en) свой штогадовы аналіз дзейнасці ўдзельнікаў OSM за 2016 год, а таксама зыходныя дадзеныя для тых, хто жадае пагуляцца самастойна. Калі ўжо працягваць тэму далей, то Паскаль Нэі (Pascal Neis) таксама высветліў (en) яшчэ два статыстычных паказчыка: колькасць актыўных удзельнікаў OSM у кожнай краіне за апошні год і колькасць удзельнікаў за ўсю гісторыю праекта.

  • Блог удзельнікаў OSM з захаду Англіі Mappa Mercia распавёў (en) пра тое, як іх квартальны праект (картаграфаванне водазабеспячэння) зноўку пагражае нацыянальнай бяспецы! (ад перакладчыка: гэта працяг гісторы з #337)

  • Карыстальнік yasunari напісаў у свой блог пра тое, як прайшла вечарына мапераў (ja) (аўтаматычны пераклад (en)) - першая для yasunari ў новым горадзе, якім на гэты раз ён абраў Токіо. Ён распавёў, што было зроблена і чаго зроблена не было. Мэтай вечарыны было нанясенне ўсіх 77 гістарычных кропак у парку Тэцугаку-до (en).

  • Паскаль Нэі (Pascal Neis) агучыў (en) рэйтынг краін па колькасці новых удзельнікаў OSM за снежань 2016 года (спойлер ад перакладчыка: не-а, нямашака :) ). Пасля дыскусіі на гэтую тэму з беларускім удзельнікам komzpa Паскаль дадаў (en) таксама і інфармацыю пра тое, які менавіта рэдактар выкарыстоўвалі пачаткоўцы.

Падзеі

  • Фаціма Харбер (Fatouma Harber) і Абдул Хасан Сісэ (Aboul Hassane Cisse) распавялі (fr) пра тое, як 7-9 студзеня 2017 года прайшоў CartoCamp (вечарына мапераў) у Цімбукуту, арганізаваны пры ўдзеле OSM-суполкі Малі.

  • Ульф Трэгер (Ulf Treger) у сваёй лекцыі пра мапы (en + de) пад назвай “Space Mapping/ Space Shaping” у межах канферэнцыі 33C3 паказаў рэтраспектыву развіцця картаграфіі і картаграфічных праекцый з даўніх часоў і дагэтуль, а таксама акрэсліў іх узаемасувязь з геапалітычным фонам.

  • Селена Янг (Selene Yang) апублікавала (en) ва ўласным дзённіку фотаздымкі з канферэнцыі осмераў Лацінскай Амерыкі (The State of the Map Latin America 2016, SotM LatAm 2016), якая мела месца ў Сан-Паўлу (Бразілія).

  • Працоўная група першай канферэнцыі осмераў Афрыкі (The State of the Map Africa 2017, SotM Africa 2017) абвесціла (en) пра старт конкурса на лагатып канферэнцыі.

Гуманітарны OSM

  • Карыстальнік everyone_sinks_starco праз першы допіс у сваім OSM-дзённіку паскардзіўся (en) на картаграфічны марафон Гуманітарнай каманды OSM (HOT) у Інданэзіі, удзельнікі якой значна сапсавалі раней унесеныя дадзеныя. Гэта была даволі эмацыйная прамова, бо значная колькасць удзельнікаў інданэзійскай HOT паспяшаліся даць каментары, каб растлумачыць, што ж менавіта здарылася (калі вы не ведаеце інданэзійскай мовы, вам спатрэбіцца дапамога анлайн-перакладчыкаў, каб зразумець другую палову каментароў). У сваю чаргу, карыстальнік Iyan, што з’яўляецца каардынтарам Гуманітарнай каманды OpenStreetMap у Інданэзіі, паспрабаваў растлумачыць, што здарылася і якая мэта была ў праекта.

  • Тое, што картаграфічныя марафоны (“мапафоны”) могуць быць дастаткова карыснымі, выявіў прыклад Чырвонага Крыжа: пасля таго, як гэтая арганізацыя навучыла 126 мясцовых мапераў з Ліберыі, Гвінеі і Сьера-Леонэ, новымі валанцёрамі на тэрыторыі памерам са Швейцарыю былі нанесеныя (en) на мапу 7000 вёсак і сабраныя GPS-трэкі для 70000 км дарог і сцежак.

  • Блог globalinnovationexchange.org апублікаваў (en) досыць незвычайны (і звязаны з адкрытымі прасторавымі дадзенымі) допіс па тэме “Барацьба з эпідэміяй Эбала пры дамапозе інфармацыі”.

Мапы

  • Карыстальнік J.Budissin шукае (en) добраахвотніка, што налаштуе і будзе падрымліваць сервер OSM на верхнелужыцкай мове (у тым ліку мапу, што выкарыстоўвае name:hsb=*), паколькі былы адміністратар болей не жадае ці не мае магчымасці працягваць дадзеную працу. Добраахвотнікамі могуць быць жыхары прылеглых мясцовасцей, пераважна сербы з лужыцкага рэгіёну.

switch2OSM

  • Чылійскае агенцтва па падатках і бюджэтных выдатках (Servicio de Impuestos Internos) пачало выкарыстоўваць (es) дадзеныя OSM для сваіх мапаў (па дадзеных чылійскай суполкі OSM osmCL (es))

Адкрытыя дадзеныя

  • Марцін Ізэнбург (Martin Isenburg) паведаміў на сайце rapidlasso.com (en), што ў Германіі з’явіліся адкрытыя і вольныя дадзеныя лазэрнай здымкі мясцовасці. Першай стала нямецкая зямля Паўночны Рэйн-Вестфалія (en), а другой - Цюрынгія (en). На самым пачатку 2017 года яны адкрылі на ўласных геапарталах бязвыплатную выгрузку адпаведных прасторавых дадзеных. Зараз, кажа Марцін, “мы поўныя спадзяванняў”, што іншыя федэральныя землі пераймуць іх прыклад. Як было паказана кагадзе ў Англіі (en), намеры дзяржавы прадаваць дадзеныя такога кшталту папросту не маюць ніякага сэнсу.

Праграмнае забеспячэнне

  • Карыстальнік Robot8A (en) паспрабаваў пераканаць (en) распрацоўшчыкаў Тэлеграма (Telegram Desktop) выкарыстоўваць мапы OSM замест Мапаў Google (Google Maps). Атрымалася вельмі цікавая дыскусія.

Праграмаванне

  • Адрыян Паві (Adrien Pavie) распавёў (en) пра тое, як працуе ягоная JS-бібліятэка Pic4Carto (en). Яна дазваляе значна прасцей выкарыстоўваць на вашым вэб-сайце прасторава прывязаныя фотаздымкі, што даступныя для вольнага распаўсюджвання. На дадзены момант прылада падтрымлівае Flickr, Mapillary і Wikimedia Commons (ВікіСховішча).

  • Карыстальнік -karlos- занатаваў (en) ва ўласным дзённіку апошнія змены OSM Go (en) (3D- і AR-рухавіка для OSM), напрыклад, падтрымку 3D-мадэляў лавак альбо ветракоў, а таксама першыя спробы адлюстравання метро ў Лондане на 3D-мапе.

Рэлізы

Праграма Версія Дата рэліза Каментар

|—————————————————————|:—————————————————————————–:|:————-:|———————————————————–|

Locus Map Free * 3.21.1 2017-01-10 Рэліз з выпраўленнем памылак.
Mapbox GL JS v0.31.0 2017-01-10 1 новая магчымасць і 2 выпраўленні.
Mapillary iOS * 4.5.12 2017-01-10 Выпраўленне нязначных памылак.
OSRM 5.5.3 2017-01-11 2 паляпшэнні і 3 выпраўленні.
Naviki iOS * 3.53 2017-01-12 Падтрымка Apple Watch.
OSM Contributor 3.0.1 2017-01-12 Рэліз з выпраўленнем памылак.
QGIS 2.18.3 2017-01-13 - няма інфармацыі -
libosmium 2.11.0 2017-01-14 Значныя змены (глядзіце, калі ласка, інфармацыю пра рэліз).
Traccar Client Android 4.0 2017-01-14 - няма інфармацыі -
pyosmium 2.11 2017-01-15 Пераключэнне на апошнюю версію libosmium.

Дадзеныя раздзела ўзятыя са Спіса праграмнага забеспячэння для OSM (en).
* прапрыетарнае праграмнае забеспячэнне (глядзі: вольнае праграмнае забеспячэнне (en).

Ці ведаеце вы …

  • … пра візуалізацыю OSMvis (en) ад Франца-Бенджаміна Мочніка (Franz-Benjamin Mocnik), якая можа адлюстроўваць наборы зменаў (чэйнджсэты) OpenStreetMap у прасторы і часе, пашыранасць тых ці іншых тэгаў з вікі-даведкі OSM і г.д.?

  • … пра візуалізацыю TorFlow (en)? Яна адлюстроўвае (de) трафік паміж асобнымі вузламі сеткі Tor у рэжыме рэальнага часу.

OSM у медыяпрасторы

  • Кампанія MVV, мясцовы грамадскі перавозчык з Мюнхена, у бліжэйшы час запусціць (de) (аўтаматычны пераклад (en)) новы сэрвіс на аснове мапаў OpenStreetMap, які будзе паказваць час прыбыцця ці затрымкі прыгарадных цягнікоў. Да таго ж MVV адзначае, што дадзеныя OpenStreetMap не толькі дармовыя, але і больш актуальныя, чым дадзеныя Here WeGo (раней HERE Maps, мапы ад кангламерата нямецкіх аўтамабільных канцэрнаў).

  • Нямецкае Федэральнае агенцтва народнай асветы апублікавала (de) на ўласным сайце артыкул пра тое, якім было б мажлівае выкарыстанне OpenStreetMap для адукацыйных мэтаў у дзяржаўнай школе (аўтаматычны пераклад).

  • Выданне The Herald (Зімбабвэ) напісала (en) пра значнасць сумесных ініцыятыў па гуманітарным картаграфаванні, такіх як Missing Maps, што дазваляюць павысіць чуласць і хуткасць гуманітарнага рэагавання.

Іншыя “геа”-рэчы

  • Кампанія і адкрытая картаграфічная платформа Mapzen прывяла ва ўласным блогу прыклады (en) таго, як сайты з навінамі выкарыстоўваюць дадзеныя OpenStreetMap разам з прыладамі ад Mapzen.

  • Сэрвіс QuickMapServices (пра яго мы ужо паведамлялі раней, у выпуску #335 (en)) на дадзены момант утрымлівае (en) больш за 555 паслуг (сэрвісаў, сервераў, API, прэсэтаў і г.д.).

  • Выданне Mashable знаёміць (en) з канцэптам джынсаў ад Spinali Design, якія дапамагаюць арыентавацца быццам сапраўдны навігатар. Спадзяемся, што, дзеля ўласнай бяспекі, вы будзеце выкарыстоўваць у гэтых партках толькі дадзеныя OpenStreetMap :)

Плануемыя падзеі

|Што |Дзе |Калі |Краіна | |——————-|————————————————————————————————————————————|:——————–:|—————————————————————————–| |Токіа |東京！街歩き！マッピングパーティ：第４回 根津神社 |21.01.2017 |Германія | |Маніла |【MapAm❤re】OSM Workshop Series 8/8, San Juan |23.01.2017 |Філіпіны | |Брэмен |Bremer Mappertreffen |23.01.2017 |Германія | |Грац |Stammtisch Graz |23.01.2017 |Аўстрыя | |Натынгем |Nottingham Pub Meetup |24.01.2017 |Вялікабрытанія | |Мінск |byGIS Meetup #2 |25.01.2017 |Беларусь| |Дрэздэн |Stammtisch |02.02.2017 |Германія | |Ліён |Stand OSM Salon Primevère |03.02.2017-05.02.2017 |Францыя | |Брусель |FOSDEM 2017 |04.02.2017-05.02.2017 |Бельгія | |Генуя |OSMit2017 |08.02.2017-11.02.2017 |Італія | |Кардыф |OpenDataCamp UK |25.02.2017-26.02.2017 |Ўэльс | |Пасаў |FOSSGIS 2017 |22.03.2017-25.03.2017 |Германія | |Авіньён |State of the Map France 2017 |02.06.2017-04.06.2017 |Францыя | |Аідзувакамацу |State of the Map 2017 |18.08.2017-20.08.2017 |Германія | |Буэнас-Айрэс |FOSS4G+SOTM Argentina 2017 |23.10.2017-28.10.2017 |Аргенціна |

Заўвага: Калі вы жадаеце пабачыць сваю падзею ў гэтым спісе, то, будзьце ласкавыя, дадайце яе ў спецыяльны каляндар (толькі дадзеныя адтуль з’явяцца ў weeklyOSM). Калі ласка, спраўдзіце правільнасць адлюстравання вашага мерапрыемства ў нашым спецыяльным календары для папярэдняга прагляду і выпраўце яго, калі што не так.

Аўтарамі дадзенага weeklyOSM #338 былі Peda, Polyglot, Rogehm, SeleneYang, SomeoneElse, TheFive, YoViajo, derFred, jinalfoflia, keithonearth, vsandre.

be _ weeklyOSM 338

Posted by iRewer on 18 January 2017 in Belarusian (Беларуская). Last updated on 20 January 2017.

03.01.2017 - 09.01.2017

Выява тыдня

Logo

Новыя магчымасці маршрутызацыі на сайце ORS для карыстальнікаў на інвалідных калясках [^1^](#wn338_14011)

Мапінг

  • На дадзены момант пры дапамозе прылады Regio OSM (de), якая прызначаная для праверкі суцэльнасці замапленых адрасоў, спраўджаная якасць адраснай інфармацыі для 1702 муніцыпалітэтаў і значнай колькасці гарадоў Германіі - адной з 11 краін, дзе гэты інструмент можа быць выкарыстаны (de).

  • Цікавае спалучэнне адкрытых дадзеных і OSM мае месца ў праекце паляпшэння звестак пра школы Вялікабрытаніі ў OSM (en). Адным з нязначных недахопаў гэтага праекта з’яўляецца тое, што наўпроставыя спасылкі працуюць толькі для дэфолтнага анлайн-рэдактара iD. У той жа час, калі iD ужо запушчаны, вы можаце адтуль разгарнуць дэсктопны JOSM. ;-)

  • Паскаль Нэі (Pascal Neis) распавёў (en) у сваім блогу пра ўласныя прылады, што прызначаныя для кантролю якасці ў OSM:

  • Арун Ганеш (Arun Ganesh) засведчыў важнасць тэга wikidata=* на прыкладзе паўночна-індыйскага горада Маналі. Праз свой уласны ўнёсак (en) ён паказаў магчымасці для паляпшэння OSM з дапамогай дадатковай інфармацыі, змешчанай у Wikidata, Wikimedia Commons, WikiVoyage. Таксама ён выкрыў некаторыя прыёмы працы з дадзенымі Wikidata пры дапамозе прыладаў MapBox.

  • Каманда OSM Operations анансавала (en) з’яўленне новай функцыі на галоўнай старонцы OSM - публічных GPS-трэкаў.

  • Том Пфайфер (Tom Pfeifer) спытаўся (en), як павінны пазначацца на мапе OSM такія сучасныя формы супрацоўніцтва, як сумеснае выкарыстанне офісных памяшканняў і абсталявання ў выглядзе каворкінгаў (en).

  • Карыстальнік Крыс (chris66) выкарыстоўвае свабоднае праграмнае забеспячэнне AutoHotKey (для Windows) сумесна з JOSM для аптымізацыі працы і дзеліцца (de) ўласным досведам. Таксама ён наглядна прадэманстраваў (de) свае прыёмы ў відэа падчас трасіроўкі абрысаў будынкаў.

  • Карыстальнік Rorym распавёў (en), чаму падчас працы з праўкамі патрэбна не проста рабіць механічныя змены, але і “глядзець на навакольныя вобласці і шукаць іншыя памылкі!”

Супольнасць

  • Спецыяльны сэрвіс hdyc (“How did you contribute [to OSM]” - “Ваш унёсак у OSM”) ад Паскаля Нэі (Pascal Neis) усё больш ператвараецца ў сапраўдны інфармацыйны цэнтр (en). З нядаўняга часу тут таксама ўлічваюцца (en) і змены, што былі ўнесеныя праз сэрвіс MapSwipe (гуманітарны праект па найпрасцейшай ацэнцы прыдатнасці спадарожнікавых здымкаў і сэнсу іх выкарыстання для картаграфавання найважнейшых аб’ектаў).

  • Рафаэль Авіла Коя (Rafael Ávila Coya) апублікаваў (es) спецыяльнае відэа (en) пра тое, як можна выкарыстоўваць OSM у барацьбе супраць калецтва жаночых геніталій у Танзаніі.

  • Тым часам, шараговае абмеркаванне (en) таго, як лепей выкарыстоўваць ці наогул не выкарыстоўваць дастаткова рэдкі і спрэчны тэг landuse=village_green спрычынілася да таго, што адзін з удзельнікаў дыскусіі (en) пайшоў ды й рашуча адрэдагаваў адпаведную гэтаму тэгу старонку (en) ў wiki-даведцы OSM, кардынальна змяніўшы яе змест і рэкамендацыі ў параўнанні з папярэднім варыянтам - і тым самым ён выклікаў абгрунтаваныя пярэчанні (en) з боку суполкі (і наступную “бойку правак”).

  • Юрый Астрахан, што дадаваў да абъектаў OSM тэгі wikidata=* як спасылкі (en) на дадзеныя Вікіпедыі, звярнуўся да супольнасці па дапамогу (en) ў вырашэнні некаторых праблем з дадзенымі, якія ён рэдагаваў - для гэтага Юрый нават стварыў на MediaWiki спісы прабелаў і дубляў у Wikidata. Аднак гэтая дыскусія хутка ператварылася ў яшчэ адну, дзе абмяркоўвалася “антыдэмакратычная” супярэчнасць  (en) безапеляцыйнага адкату часткі аўтаматызаваных правак Юрыя, - і грунтавалася гэтае абмеркаванне на суадноснасці з прэцэдэнтам адкату пакета правак, імпартаванага з CANVEC (en), што меў месца ў Канадзе.

  • Карыстальнік mmd паказаў (en) у сваім блогу, як выкарыстоўваць на сэрвісе Overpass-Turbo запыт па пошуку сімвалаў-эмодзі ў дадзеных OSM па ўсім свеце. Сур’ёзным дастасаваннем гэтага вырашэння можа быць пошук тэгаў, прапісаных на “сумесі моў” (кадзіровак). Карыстальнік tyr_asd прапанаваў спецыяльны запыт з ужываннем MapCSS для адлюстравання тэгаў з эмодзі на мапе. У той жа час mmd напісаў блок коду і запытаўся па дапамогу (en) для напісання рэгулярных выразаў, якія б цалкам падтрымлівалі адпаведныя дыяпазоны Unicode у Overpass API.

  • Карыстальнік pnorman узгадаў (en) ва ўласным блогу, што Сара Хофман (Sarah Hoffmann, lonvia), Матыяс Мелісэн (Matthijs Melissen, math1985) і Бас Коэнберг (Bas Couwenberg, sebastic) маюць вялікія заслугі ў такіх праектах, як osm2pgsql і OpenStreetMap Carto.

  • З нядаўняга часу існуе (en) фармальная юрыдычная асоба для OpenStreetMap ў Вялікабрытаніі (en).

  • Нікарагуанская (es) суполка OSM пачала пошук сродкаў (en) на праект картаграфавання грамадскага транспарту, цягам рэалізацыі якога члены суполкі імкнуцца вырабіць першую ў краіне мапу і расклад аўтобусных маршрутаў Манагуа і выказаць прапановы па аптымізацыі сістэмы грамадскага транспарту сталіцы.

OpenStreetMap Foundation

Падзеі

  • Клаус Торскі (Klaus Torsky) пераказаў (de) (аўтаматычны пераклад (en)), што і як адбывалася на апошняй канферэнцыі FOSS4G (Free and Open Source Software for Geospatial, “Свабоднае і адкрытае праграмнае забеспячэнне для прасторавых дадзеных”), якая ў 2016 годзе мела месца ў Боне (Германія). Таксама ён спасылаецца на інтэрв’ю (en), што ён узяў у Ціля Адамса (Till Adams) - чалавека, які нёс адказнасць за правядзенне FOSS4G у Боне.

  • Фрэдэрык Рам (Frederik Ramm) запрашае (de) людзей да ўдзелу ў хакатоне (en), што адбудзецца ў лютым у Карлсруэ.

  • Сустрэча осмераў для сумеснага мапінгу мела месца (fr) ў Цімбукту (Малі) з 7 па 9 студзеня 2017 года.

Гуманітарны OSM

  • Кізіта Макойе (Kizito Makoye) распавёў (en) пра ініцыятыву гарадской адміністрацыі Дар-эс-Салама (Танзанія) па выкарыстанні дронаў на абалонных землях такіх жабрацкіх раёнаў, як Тандале. Адмысловы грамадскі праект Ramani-Huria (en) падтрымлівае гэтую ініцыятыву шляхам фіксацыі назапашаных дадзеных на мапах, што заснаваныя на OSM. Гэтыя і іншыя захады павінныя палепшыць умовы жыцця і інфраструктуру ў трушчобных раёнах.

Мапы

  • На GitHub галоўны дэвелапер Ізраільскай мапы для паходаў (Israel Hiking Map) выказаў меркаванне (en), што даволі часта тое, што робіцца для асобных выпадкаў мапінга, можа мець сэнс таксама і для ўсяго OpenStreetMap.org цалкам (ад перакладчыка: ён, дарэчы, прапануе шукаць тыя адрэзкі публічных GPS-трэкаў, якія не маюць адпаведнасці ў графе дарог і сцежак - і наносіць іх). Адразу некалькі карыстальнікаў прывялі прыклады (en) таго, як новыя функцыянальныя магчымасці часцяком дадаваліся ў выглядзе вонкавай рэалізацыі, а пасля (калі яны мелі рацыю) - рабіліся часткай уласна OSM.org.

  • Сэрвіс пошуку маршрутаў па дадзеных OSM - OpenStreetMap Routing Machine - дадаў унікальную функцыянальнасць для маршрутызацыі на інвалідных калясках. Яна названая “Чаму мне прапануе менавіта такі маршрут?” (en) і паказвае карыстальнікам, што пры пракладанні маршрутаў улічваюцца вышыня бардзюраў, роўнасць і пакат паверхні, а таксама наяўнасць тратуараў.

  • Партал тэматычных мапаў Mapcontrib (fr) дасягнуў версіі 1.0, у гонар чаго там быў апублікаваны (en) першы апісальны пост у блогу.

  • На выставе CES 2017 (en) кампанія і адкрытая картаграфічная платформа Mapzen паспрабавала прыцягнуць кліентаў з дапамогай 3D-друку.

  • Лутц Ланге (Lutz Lange) перамясціў свае гістарычныя мапы (de) на новы сервер. Таксама былі ўнесеныя некаторыя змены, і таму зараз ён просіць зваротнай сувязі (аўтаматычны пераклад (en)).

switch2OSM

  • Высветлілася, што Uber выкарыстоўвае(en) сярод іншых і дадзеныя OpenStreetMap. Грант Слэйтар (Grant Slater, адзін з сістэмных адміністратараў OSM) чакае(en), што Uber таксама зробіць свой унёсак у паляпшэнне дадзеных OSM.

Праграмнае забеспячэнне

  • Адмыслова створаная старонка MediaWiki тлумачыць(en), як можна выкарыстоўваць ідэнтыфікатар Wikidata ID, каб пазначыць на Мапах Вікімэдыя (Wikimedia Maps) абсяг таго ці іншага аб’екта OSM.

  • Карыстальнік daniel-j-h напісаў(en) ва ўласным дзённіку пра тое, як апошні рэліз сэрвісу для пошуку маршрутаў Open Source Routing Machine (версія 5.5) дазваляе значна прасцей усталяваць сваю ўласную машыну маршрутызацыі, а таксама размясціў некаторую дакументацыю, патрэбную для такіх дзеянняў.

Рэлізы

  • Сэрвіс пошуку маршрутаў па дадзеных OSM пад назвай OpenStreetMap Routing Machine абнавіўся да версіі 5.5, якая дадала некалькі значных паляпшэнняў у кіраўніцтве, тэгах, API і інфраструктуры.
Праграмы Версія Дата рэліза Каментары
OSRM 5.5.0 16.12.2016 Палепшаныя навігацыя, інтэрпрэтацыя тэгаў і інфраструктура API.
JOSM 11427 31.12.2016 - няма інфармацыі -
Mapillary Android * 3.14 04.01.2017 Выпраўленне, што значна прыспешвае працу з GPX.
Mapbox GL JS v0.30.0 05.01.2017 - няма інфармацыі -
Naviki Android * 3.52.4 05.01.2017 Павышаная дакладнасць.
Mapillary iOS * 4.5.11 06.01.2017 Палепшаная сумяшчальнасць.
SQLite 1.16.2 06.01.2017 4 выпраўленні.

Дадзеныя раздзела ўзятыя са Спіса праграмнага забеспячэння для OSM(en).
* несвабоднае праграмнае забеспячэнне (глядзі: свабоднае праграмнае забеспячэнне(en).

Ці ведаеце вы …

  • … што існуюць штодзённыя выняткі абноўленых за суткі дадзеных OSM у фармаце *.csv (і пераважна для тэрыторыі Германіі), якія ствараюцца карыстальнікам Netzwolf?

  • … якім будзе вашае наступнае месца адпачынку? Калі вы вызначыліся, то мапа з прасторава прывязанымі фотаздымкамі ў ВікіСховішчы (Wikimedia Commons) стане выдатным сродкам, каб падрыхтавацца загадзя.

  • … што існуе GPS-навігатар uNav для смартфонаў з аперацыйнай сістэмай Ubuntu? Гэты навігацыйны дадатак, што выкарыстоўвае афлайн-дадзеныя OSM, зараз даступны (en) у версіі 0.64 для ўсіх карыстальнікаў аперацыйнай сістэмы Ubuntu Touch, што ўсталявалі апошняе абнаўленне сістэмы (OTA-14).

OSM у медыяпрасторы

  • Навукова-папулярнае анлайн-выданне Seeker за аўтарствам Трэйсі Штэдтэр (Tracy Staedter) распавяло (en) пра мапы Джэфа Боінга (Geoff Boeing). Той назваў сваю прыладу візуалізацыі OSMnx (OSM + NetworkX) - і яна можа выкрываць аб’ектыўныя фізічныя характарыстыкі вулічнай планіроўкі кожнага горада ў выглядзе чорна-белай сеткі, тым самым адлюстроўваючы неверагодныя шляхі гістарычнага развіцця горада. Боінг адзначае, што ягоныя “мапы дапамагаюць змяніць пункт гледжання, дэманструючы людзям, што высокая шчыльнасць гарадоў - гэта не абавязкова дрэнна”.

Іншыя “геа”-рэчы

  • Нядаўна створанае партнёрства Open Partnership Traffic (en) з’яўляецца сумеснай ініцыятывай некалькіх кампаній у Маніле (Філіпіны), і ягоная мэта - выкарыстанне ананімных GPS-дадзеных для аналізу транспартных коркаў. Партнёрства вырашыла выкарыстоўваць адкрытую платформу (супольнасць OSM прадстаўлена ў партнёрстве кампаніяй Mapzen) - і гэта дазваляе краінам, што развіваюцца, далучацца да назапашвання і аналізу ўзораў трафіка. Аліса Райт (Alyssa Wright), прэзідэнт Амерыканскага фонду OpenStreetMap , кажа: “Партнёрства імкнецца павысіць эфектыўнасць і дзейснасць глабальнага выкарыстання і забеспячэння транспартам праз ужыванне адкрытых дадзеных і пашырэнне вылічальных магутнасцей”.

  • Караценькае відэа паказвае, як менавіта праекцыя Меркатара скажае адлюстраванне наваколля палюсоў.

  • Праект Treepedia (en), распрацаваны Лабараторыяй разумных гарадоў Масачусацкага тэхналагічнага інстытута (MIT’s Senseable City Lab) і Сусветным эканамічным форумам, уяўляе сабою (en) візуалізацыю дрэўнага покрыва ў 12 буйных гарадах, уключаючы Нью-Ёрк, Лос-Анджэлес і Парыж.

Плануемыя падзеі

|Дзе |Што |Калі |Краіна | |——————|—————————————————————————————————————————————|———————|:——————————————————————————————————————–:| |Ліён |Mapathon Missing Maps pour Ouahigouya|16.01.2017 |Францыя | |Брусель |Brussels Meetup |16.01.2017 |Бельгія | |Эсен |Stammtisch |16.01.2017 |Германія | |Грэнобль |Rencontre groupe local |16.01.2017 |Францыя | |Маніла |【MapAm❤re】OSM Workshop Series 7/8, San Juan |16.01.2017 |Філіпіны | |Аўгусбург |Augsburger Stammtisch |17.01.2017 |Германія | |Кёльн/Бон |Bonner Stammtisch |17.01.2017 |Германія | |Эдзінбург |Edinburgh |17.01.2017 |Вялікабрытанія | |Люнэбург |Mappertreffen Lüneburg |17.01.2017 |Германія | |Фірзэн |OSM Stammtisch Viersen |17.01.2017 |Германія | |Аснабрук |Stammtisch / OSM Treffen |18.01.2017 |Германія | |Карлсруэ |Stammtisch |18.01.2017 |Германія | |Осака |もくもくマッピング！ #02 |18.01.2017 |Японія | |Ляобен |Stammtisch Obersteiermark |19.01.2017 |Аўстрыя | |Уршпрынг |Stammtisch Ulmer Alb |19.01.2017 |Германія | |Токіа |東京！街歩き！マッピングパーティ：第４回 根津神社 |21.01.2017 |Японія | |Маніла |【MapAm❤re】OSM Workshop Series 8/8, San Juan |23.01.2017 |Філіпіны | |Брэмен |Bremer Mappertreffen |23.01.2017 |Германія | |Грац |Stammtisch Graz |23.01.2017 |Аўстрыя | |Мінск |byGIS Meetup #2 |25.01.2017 |Беларусь| |Брусель |FOSDEM 2017 |04.02.2017-05.02.2017|Бельгія | |Генуя |OSMit2017 |08.02.2017-11.02.2017|Італія | |Пасаў |FOSSGIS 2017 |22.03.2017-25.03.2017|Германія | |Авіньён |State of the Map France 2017 |02.06.2017-04.06.2017|Францыя | |Аідзувакамацу |State of the Map 2017 |18.08.2017-20.08.2017|Японія | |Буэнас-Айрэс |FOSS4G / State of the Map Argentina 2017 |23.10.2017-28.10.2017|Аргенціна |

Заўвага: Калі вы жадаеце пабачыць сваю падзею ў гэтым спісе, то, будзьце ласкавыя, дадайце яе ў спецыяльны каляндар (толькі дадзеныя адтуль з’явяцца ў weeklyOSM). Калі ласка, спраўдзіце правільнасць адлюстравання вашага мерапрыемства ў нашым спецыяльным календары для папярэдняга прагляду і выпраўце яго, калі што не так.

Аўтарамі дадзенага weeklyOSM #338 былі Peda, Polyglot, Rogehm, SomeoneElse, SrrReal, TheFive, YoViajo, derFred, jinalfoflia, keithonearth, kreuzschnabel, seumas

be _ weeklyOSM 337

Posted by iRewer on 13 January 2017 in Belarusian (Беларуская). Last updated on 19 January 2017.

27.12.2016 - 02.01.2017

Выява тыдня

  • Logo
    Вывучэнне злучнасці дарожнага графа motorway з дапамогай JOSM [^ 1 ^](#wn337_13924) | © Андрэй Галавін

Пра нас

  • Мы жадаем усім нашым чытачам мірнага і шчаслівага Новага 2017-га года!
    Нямецкая каманда weeklyOSM зрабіла (de) кароткі агляд навін года з раздзела “Мапы”, які звычайна складаецца са спасылак на тэматычныя мапы. На жаль, у каманды не было часу, каб перакласці яго на іншыя мовы. Аднак, спадзяемся, што цягам года ў перакладах Штотыднёвіка павінныя былі сустракацца адпаведныя тэксты для большасці такіх спасылак. ;)

  • З-за недахопу людскай сілы нам давялося адмовіцца ад нашай італьянскай версіі weeklyOSM. Такім чынам, у далейшым мы будзем друкавацца на 8 мовах. Асаблівая падзяка дваім апошнім рэдактарам, што заставаліся з намі: sabas88 і sbiribizio - яны спрабавалі ўдваіх трымаць італьянскую версію “на плаву”. І гэта ў той час, як выданне нацыянальнага weeklyOSM (нават калі гэта просты пераклад) патрабуе высілкаў мінімум трох рэдактараў. Мы дзякуем гэтым людзям за іхнюю пагатоўнасць працягваць сваю дзейнасць надалей у якасці рэпарцёраў weeklyOSM для італьянскай суполкі.

Мапінг

  • Браян Прэнгл (Brian Prangle) напісаў дапаможнік (en), што павінен дапамагчы са зборам і адлюстраваннем на мапах пажарных гідрантаў у Вялікабрытаніі. Накіраванне сілаў на такі мапінг было выклікана тым, што месцазнаходжанне пажарных гідрантаў у англійскім Уэст-Мідлэндзе было абвешчана ўладамі “сакрэтным” - і гэта нягледзячы на тое, што ​​кожны з гідрантаў на мясцовасці маркіраваны вельмі прыкметным, часцей за ўсё ярка-жоўтым знакам!

  • Харальд Хартман (Harald Hartmann) паспрабаваў высветліць паходжанне (і сэнс) тэга maxspeed=DE:rural на мапе Германіі (аўтаматычны пераклад (en)).

  • Карыстальнік TagaSanPedroAko падрабязна распавёў (en) пра сваю апошнюю картаграфічную дзейнасць, што датычылася мапінга ліній электраперадач і дадавання кропак POI ў горадзе Батангас-Сіці - месцы, дзе ён рэгулярна мапіў апошнім часам.

  • Ілля Звераў (Zverik) прааналізаваў (en) адносную і абсалютную колькасць правак, што ажыццяўляліся над кропкамі POI ў тым ці іншым OSM-рэдактары (ад перакладчыка - бадай што, гэта прасцейшая, але адначасова і найцікавейшая праца месяца).

  • Карыстальнік Toc-Rox паведаміў (de), што даволі часта трэкі не маюць тэга tracktype=* і распавёў, як гэта апрацоўваецца ў нямецкай мапе “Freizeitkarte”. Абмеркаванне мажлівых і найлепшых дэфолтных значэнняў гэтага тэгу пачалося ў адпаведнай нямецкамоўнай ветцы форума OSM (аўтаматычны пераклад (en)).

Супольнасць

  • Томас Конрад (Thomas Konrad) прааналізаваў (de), наколькі ў Аўстрыі пакрыццё будынкаў з OpenStreetMap супадае з пакрыццём будынкаў на дзяржаўнай кадастравай мапе basemap.at (аўтаматычны пераклад (en)).

  • Удзельнік HackerNews параіў (en) выкарыстоўваць лепей OSM у сувязі з абмеркаваннем (en) палегчанага рэжыма Google Maps, асабліва ў дачыненні да актуальнасці абнаўлення сеткі дарог і хуткасці загрузкі ў параўнанні з Мапамі ад Google.

  • Натыкнуўся на OpenStreetMap падчас гульні Pokemon Go? Вось некаторыя парады (en, de, hr, uk), каб пачаць рабіць свой унёсак у OSM.

  • На старонцы абмеркаванняў для карыстальнікаў OSM з Вялікабрытаніі (Talk-GB) Браян Прэнгл (Brian Prangle) падзяліўся (en) спісам меркаваных праектаў для ўключэння ў першы брытанскі “Квартальны праект” гэтага года.

  • Андрэй Галавін (andygol) паказаў (en), як спраўдзіць, ці захоўваецца на больш дробных маштабах бачная злучнасць дарожнай сеткі, якая выглядае быццам бы звязанай на іншых (буйнейшых) узроўнях маштабавання.

  • Карыстальнік OSM escada ўзяў інтэрв’ю (en, fr) у Філіпа Вердзі (Philippe Verdy), што быў вылучаны як Выбітны мапер месяца (Mapper in the Spotlight) бельгійскай суполкай OSM (падрабязней пра гэта [тут](http://wiki.openstreetmap.org/wiki/WikiProject_Belgium/Belgian_Mapper_of_the_Month) _(en)_).

Імпарт

  • Карыстальнік OSM ryebread звяртае (en) ўвагу супольнасці на распачатыя ім намаганні імпартаваць тыя дадзеныя Савета муніцыпальных урадаў Паўднёва-Усходняга Мічыгана (Southeast Michigan Council of Governments, SEMCOG), што датычацца тэрыторыі Дэтройта.

OpenStreetMap Foundation

  • OSMF падсумаваў (en) кароткія вынікі 2016-га года, асобна ўзгадаўшы некаторыя асабліва цікавыя працы, праведзеныя цягам мінулага года.

Падзеі

  • Запрашэнне да прапаноў (Call for Proposals, CFP) для канферэнцыі FOSSGIS 2017 (de) актуальнае да 6-га студзеня 2017 года. Таксама яно было анансаванае на форуме OSM (аўтаматычны пераклад (en)) і ў спісах дасылак для карыстальнікаў OSM з Германіі Talk-DE (аўтаматычны пераклад (en)).

  • Першая канферэнцыя осмераў Афрыкі The State of the Map Africa 2017 адбудзецца (en) ў Кампале (Уганда).

  • Наступнай краінай, дзе пройдзе канферэнцыя осмераў Лацінскай Амерыкі The State of the Map Latin America 2017 (es) стане Перу (es)! Канферэнцыя адбудзецца ў снежні 2017 года ў Ліме. Дакладныя даты пакуль не абвешчаныя.

Гуманітарны OSM

  • У Тунісе маладыя людзі шукаюць (de) больш дэталёвыя спадарожнікавыя здымкі для аднаго з жабрацкіх раёнаў краіны. Праект выкарыстоўвае OSM і фінансава падтрымліваецца Швейцарыяй.

  • Тайлер Рэдфард (Tyler Radford) абвясціў (en) пра паспяховае заканчэнне збора сродкаў для праектаў OSM па картаграфаванні крытычных сацыяльных сітуацый.

Мапы

  • Удзельнік Грэг (Greg) падсумоўвае (en) вынікі апошняга штоквартальнага праекта (en). Ягонай задачай было выкарыстанне дадзеных брытанскай Рэйтынгавай сістэмы гігіены харчавання ад Службы харчовых стандартаў Вялікабрытаніі з мэтай палепшыць шчыльнасць аб’ектаў POI, адрасоў і паштовых індэксаў у гарадскіх цэнтрах. Атрыманыя статыстыку і налады можна паўторна і адвольна выкарыстоўваць.

  • Удзельнік Крысціян Квэст (Christian Quest) абвясціў (en) пра тое, што стварыў тайлавы сервер з абноўленым французскім мапавым стылем і размясціў яго на абсалютна новай машыне. Вы можаце паглядзець на новую карту і даведацца пра тое, што ж менавіта было зменена (fr).

  • Свен Гегус (Sven Geggus) палепшыў (de) мапавы стыль для нямецкай мапы OSM: у яго з’явілася новая і вельмі прыемная асаблівасць - на мапе адлюстроўваюцца назвы на дзвюх мовах. Свен чакае вашай дапамогі ў тэсціраванні стылю.

switch2OSM

  • Бэта-версія мабільнага дадатка TAHUNA стала даступная (de) (аўтаматычны пераклад (en)) у краме Google Play. Таксама яна дадае на вашую мабільную прыладу інструменты для навігацыі Teasi .

Праграмнае забеспячэнне

  • Maps.me (de) у чарговым абнаўленні інтэгравала важную функцыю: актуальныя і даступныя анлайн дадзеныя пра транспартныя коркі ў 36 краінах свету.

  • Дадатак для Android OSM for the dyslexic - гэта атлас для людзей з дыслексіяй. Распрацоўка дадатка вядзецца як частка праекта MYGEOSS (en).

  • Платформа WordPress запрашае (en) дапамагчы з тэсціраваннем свайго плагіна для OSM версіі 3.8.

Праграмаванне

  • Майк Фрыкер (Mike Fricker), тэхнічны дырэктар Unreal Engine 4 ў кампаніі Epic Games, выпусціў плагін для адпаведнага гульнявога рухавіка, які дазваляе імпартаваць дадзеныя OpenStreetMap наўпрост у рэдактар гульні.

Рэлізы

Праграма Версія Дата рэліза Каментары
Mapillary Android * 3.12 20.12.2016 Выпраўленне праблемаў са спыненнем сэрвіса запампоўвання, што працягваў працаваць на заднім фоне.
Maps.me Android * var 26.12.2016 Дадзеныя па руху для 36 краін.
Komoot iOS * 8.5.1 27.12.2016 Снежань 2016 года стаў самым наведвальным месяцам.
Maps.me iOS * 7.0.4 27.12.2016 Дадзеныя па руху для 36 краін.
GRASS GIS 7.2.0 28.12.2016 Больш за 1950 стабілізуючых выпраўленняў і ручных паляпшэнняў, 50 новых аддонаў.
JOSM 11425 31.12.2016 Значныя паляпшэнні (глядзі інфармацыю рэліза)
SQLite 3.16.0 02.01.2017 14 паляпшэнняў і 2 выпраўленыя памылкі.

Дадзеныя раздзела ўзятыя са Спіса праграмнага забеспячэння для OSM (en).
* несвабоднае праграмнае забеспячэнне (глядзі: свабоднае праграмнае забеспячэнне (en).

Ці ведаеце вы …

  • … пра нямецкую альтэрнатыву Google Maps?
    Сэрвіс Maps.metager.de (de) (аўтаматычны пераклад (en)) ад нямецкай IT-асацыяцыі SUMA-EV і Гановерскага універсітэта імя Лейбніца зараз знаходзіцца ў бэта-версіі і прапануе пошукавыя запыты на аснове дадзеных OSM толькі для тэрыторыі Германіі. Тым не менш, гэты сэрвіс абяцае зрабіцца адной з самых бяспечных пошукавых сістэм.

Іншыя “геа”-рэчы

  • У артыкуле на сайце L’Obs, што з’яўляецца інтэрнэт-выданнем часопіса Nouvel Observateur, зноўку распавядаецца пра тое, як Google адаптуе (fr) адлюстраванне дзяржаўных межаў у адпаведнасці з тым, з тэрыторыі якой краіны праглядаюцца тыя ці іншыя мапы.

  • Выданне The Verge паведаміла (en) пра запуск сэрвіса па пошуку найбліжэйшай прыбіральні, які быў сумесна распрацаваны кампаніяй Google і індыйскім Міністэрствам гарадскога развіцця.

Плануемыя падзеі

Дзе Што Калі Краіна
Дортмунд Stammtisch 08.01.2017 Германія
Маніла 【MapAm❤re】OSM Workshop Series 6/8, San Juan 09.01.2017 Філіпіны
Рэн Réunion mensuelle 09.01.2017 Францыя
Пасаў Niederbayerntreffen 09.01.2017 Германія
Ліён Rencontre mensuelle mappeurs 10.01.2017 Францыя
Нант Rencontres mensuelles 10.01.2017 Францыя
Берлін 103. Berlin-Brandenburg Stammtisch 12.01.2017 Германія
Улоа 1er encuentro comunidad OSMCo 13.01.2017-15.01.2017 Калумбія
Кіёта 【西国街道シリーズ】長岡天満宮マッピングパーティ 14.01.2017 Японія
Рэн Atelier de découverte 15.01.2017 Францыя
Ліён Mapathon Missing Maps Avancé pour Ouahigouya 16.01.2017 Францыя
Брусель Brussels Meetup 16.01.2017 Бельгія
Эсэн Stammtisch 16.01.2017 Германія
Маніла 【MapAm❤re】OSM Workshop Series 7/8, San Juan 16.01.2017 Філіпіны
Кёльн/Бон Bonner Stammtisch 17.01.2017 Германія
Эдзінбург Edinburgh 17.01.2017 Вялікабрытанія
Оснабрук Stammtisch / OSM Treffen 18.01.2017 Германія
Карлсруэ Stammtisch 18.01.2017 Германія
Осака もくもくマッピング！ #02 18.01.2017 Японія
Ляобен Stammtisch Obersteiermark 19.01.2017 Аўстрыя  
Уршпрынг Stammtisch Ulmer Alb 19.01.2017 Германія
Токіа 東京！街歩き！マッピングパーティ：第４回 根津神社 21.01.2017 Японія
Маніла 【MapAm❤re】OSM Workshop Series 8/8, San Juan 23.01.2017 Філіпіны
Брэмен Bremer Mappertreffen 23.01.2017 Германія
Брусель FOSDEM 2017 04.02.2017-05.02.2017 Бельгія

Заўвага: Калі вы жадаеце пабачыць сваю падзею ў гэтым спісе, то, будзьце ласкавыя, дадайце яе ў спецыяльны каляндар (толькі дадзеныя адтуль з’явяцца ў weeklyOSM). Калі ласка, спраўдзіце правільнасць адлюстравання вашага мерапрыемства ў нашым спецыяльным календары для папярэдняга прагляду і выпраўце яго, калі што не так.

Аўтарамі дадзенага weeklyOSM #337 былі Peda, Polyglot, Rogehm, SomeoneElse, SrrReal, TheFive, YoViajo, derFred, jinalfoflia, keithonearth, kreuzschnabel, seumas

Падарыў Мінску новы дом

Posted by Andrej Zacharevicz on 24 July 2015 in Belarusian (Беларуская).

Сёння я падарыў Мінску дом па праспекце Незалежнасці (адразу 1963 года пабудовы). Я проста заўважыў, што ў базе няма дома 57 па праспекце, на яго месцы Дарашэвіча 2. Паехаў на месца і удакладніў дадзеныя дома. Гэта адназначна менавіта дом 57 па Незалежнасці, а не 2 па Дарашэвіча.

Так што сустракайце, мой падарунак Мінску: спасылка!

Пціч, Мінскі раён

Posted by Andrej Zacharevicz on 4 January 2015 in Belarusian (Беларуская).

Дадаў вуліцу Крынічная (Родниковая) у пасёлку Пціч (што пад Мінскам), на якую ўчора ездзіў у госці і пазначыў пару дамкоў, нумары якіх змог высветліць даклдана (і пару без нумароў адрысаваў). Здаецца, я туды не апошні раз еду, так што будзе карысна як мінімум мне.

Цікава, калі гэтыя змены дойдуць да Osmand.

вуліца Крынічная, Пціч, Мінскі раён, Беларусь

Location: Серабранка-2, Серабранка, Ленінскі раён, Мінск, 220101, Беларусь

Гісторыя зьменаў OSM

Posted by alex73 on 11 December 2014 in Belarusian (Беларуская).

Зрабіў экспарт у https://github.com/OsmBelarus/Monitoring адпаведна тыпам аб’ектаў. Зараз экспартуецца кожны changeset, таму глядзець гісторыю будзе зручней. Праз гэтую гісторыю можна адсочваць зьмены нейкіх важных аб’ектаў, альбо глядзець хто зьмяняў выколіцы нейкага гораду.

Як глядзець. 1. Спампаваць git з http://git-scm.com/downloads 2. git clone https://github.com/OsmBelarus/Monitoring.git # спампаваць гісторыю - робіцца адзін раз 3. git pull # абнавіць гісторыю - кожны раз 4. gitk What/bankamaty/ # паглядзець зьмены банкаматаў па ўсёй краіне gitk Where/Minskaja_voblasc/Minsk # паглядзець усе зьмены ў Менску

Можна глядзець гісторыю і праз вэб на https://github.com/OsmBelarus/Monitoring, але праз gitk значна зручней.

Тыпы аб’ектаў можна вызначыць больш дакладна на https://github.com/OsmBelarus/Tools/tree/master/nazvy/object-types. Тое, што не ўваходзіць ні ў адзін вядомы тып, запісваецца ў ‘insyja’

За зьменамі можна сачыць праз сэрвісы што дасылаюць паведамленьні на email(як http://followthatpage.com), альбо плагіны для броўзара, накшталт Page Monitor для Chrome

У нататнік гаспадыні: Як паглядзець(і выправіць) дамы вакол вас дзе не пазначана колькасьць паверхаў

Posted by alex73 on 11 December 2014 in Belarusian (Беларуская).
  1. Адчыняем JOSM, у ім адчыняем мапу навакольля
  2. Мэню Windows/Filter - павінен стаяць гачак, тады будзе паказвацца вакно “Filter”
  3. У вакне “Filter” цісьнем Add: Filter string : -building=* OR “building:levels”=* пазначыць “replace selection” націснуць Submit Filter

Усё.

Наогул, фільтры будуць карысныя каб пазначыць нейкія аб’екты на невялікай плошчы(што адчыняе JOSM)

OsmAnd & OSM.org

Posted by palsciuk on 13 May 2014 in Belarusian (Беларуская). Last updated on 9 February 2023.

Скончаны пераклад інтэрфейсу OsmAnd на https://hosted.weblate.org/languages/be/osmand/

Скончаны пераклад інтэрфейсу openstreetmap.org на https://translatewiki.net/w/i.php?title=Special:MessageGroupStats&group=out-osm-site

Location: Верхні горад, Цэнтральны раён, Мінск, Беларусь

Pačynaju svoj dziońnik karystalnika :)

Posted by favask on 21 March 2014 in Belarusian (Беларуская).

Maje plany na bližejšyja niekalki dzion - abyści rajon vul. Lucynskaj (usiu paŭnočnuju staranu Kamiennaj Horki-3). A kali atrymajecca, to j Kamiennuju Horku-4. Ja daŭno chacieŭ tudy schadzić.

Location: Каменная Горка-3, Каменная Горка, Фрунзенскі раён, Мінск, Беларусь